=> GOYO VILLORIA. HETeko Zuzendari Tekniko berria

 

Hernani Eskubaloi Taldeak Zuzendari Tekniko berria du, Goyo Villoria donostiarra. Eskarmentu handiko entrenatzailea, eta oraingoan Hernanin, gure klubean, erronka berriari hasiera emango dio.

Eskubaloian daramatzan ia  40 urteko ezagutza eta esperientzia  laburtzea ez da erraza bere  curriculuma oso luzea baita. Hona hemen, bere ibilbidea laburtu nahian, horren zertzelada batzuk:

Formazio aldetik, besteak beste, Eskubaloi Entrenatzaile titulu nazionala du. Aldi berean Espainiako Eskubaloi Federazioak antolaturiko hainbat Nazioarteko Mintegitan diplomatua da.

Bi master ditu, Goi Errendimenduko entrenamenduari buruzkoa bata eta Oinarrizko Eskubaloiaren Formazio eta Entrenamenduaren ingurukoa bestea.

Urtetan zuzendaritza teknikoko postuetan ibilitakoa da, besteen artean, C.B.Egian, Anglet Biarritz Olympiquen eta Eskubaloi Euskal Federazioan.

“Propuesta defensiva 3-1-2” liburua idatzia du eta formazio ikastaroetan ponente bezala sarritan ibilitakoa da. 

Entrenatzaile moduan ere esperientzia zabala du; nagusiki Espainia eta Frantziako maila nazionaleko senior kategorietako neska eta mutil taldeetan ibilitakoa da: Egia, Usurbil, San Adrian, Aviron Bayonnais Handball, Saint Pee Handball...

Oraingoan,  Hernani Eskubaloi Taldeko Zuzendaritza Teknikoaren ardura  beregain hartuko du; horrela, bere ezagutzaz eta esperientziaz baliatuz, eta asmo handiko proiektu baten bitartez, Hernaniko eskubaloiak sendotze bidean beste urrats bat ematen lagunduko du.

Zorte on, Goyo!